الوصفه السادسه
جمبرى بانيه
(((متقوليش لحد عليه زى اللى فى السندويتشات الجاهزة تمام و مفيش اسهل ولا الذ من كده)))
المقادير من 3-5 اشخاص
1- نصف كيلو جمبرى مقشر حجم وسط مش صغير اوى يعنى
2- ملعقة ثوم مفروم ناعم اوى
3- ملعقة صغيرة كاتشاب وملعقة صغيرة مسترده
4- ملح وفلفل وقليل من الكارى البودرة
5- عصير ليمونه
6- للتغطيه دقيق +نشا وبس
الطريقه
1- يغسل الجمبرى جيدا ويصفى
2- يتبل بالثوم والكاتشاب والمسترده وعصير الليمون والملح والفلفل وشوية كارى صغيرين ويترك مدة ساعة ع الاقل وياريت تتركيه فى الثلاجه
3- تحضرى صينيه كبيرة وتضعى فيها 4 ملاعق دقيق وملعقتين نشا وتقلبى فيهم الجمبرى بس متحطيهوش بمية التتبيله حاولى تصفيه شويه وقلبى الجمبرى كله بايدك لحد ما كله يتغطى كويس اوى
4- اتركى الجمبرى المتبل المغطى لمدة من ربع لنصف ساعة فى الفريزر
5- حضرى طاسة التحمير وبداخلها زيت بكميه مناسبه وابدائى حمرى الجمبرى ومش بياخد وقت لحد ما لونه يبقى ذهبى وتنشليه على ورق نشاف
6- طبق سرفيس به بقدونس وثوم مفروم و البقدونس يكون مصفى كويس طبعا وضعى فيه الجمبرى البانيه ويقدم مع سلاطة بابا غنوج وسلاطة الطماطم بالبقدونس والثوم وعيش كيزر او فينو او توست وبالف هنا وشفا
وانتظروا الوصفه الجديده
تاريخ التسجيل:
عدد المساهمات
نقاط
موضوع: وصفات لذيذه2 
الجمعة 27 أغسطس 2010, 11:29 pm
رقم العضويه
العمر
الدردشة|منتديات باقة ورد