وصفات سهله ولذيذه

بصراحه
الوصفه الاولى
صدور الفراخ بصوص الجبنه الريكفور
المقادير وتكفى من 3 -4 اشخاص
1- نصف كيلو صدور بانيه وممكن صدور فراخ مسلوقه عادى
2-زيت ذرة
3- بصلة متوسطه مقطعه شرائح رفيعه 4-فلفله خضراء مقطعه شرائح رفيعه
5- كوب لبن او كوب كريمة لبانى
6-قطعة جبنة ريكفور حجم البيضه
7- ملعقة كبيرة دقيق
8- ملح وفلفل وبقدونس مفروم للتجميل والتقديم
الطريقه
1- تتبل صدور الفراخ بالملح والفلفل وتحمر فى زيت ذرة وتسوى وممكن تحمر بانيه حسب الرغبه اما الصدور المسلوقه فتستخدم كما هى وتترك جانبا
2- نحضر حله استانلس او وعاء تيفال عميق ونضع الزيت ويسخن ونضع شرائح البصل وتاخد تقليبتين وندبلها ثم نضيف الفلفل الشرائح وتاخد تقليبتين
3- نضيف معلقة الدقيق ونقلبها
4- نضيف كوب اللبن او الكريمه ونقلب
5-نفرم الجبنة بالسكينه ونضعها ونقلب برضو بخفه وطبعا الجبنه حتسيح جوة الصوص ده

6-نحضر صدور الفراخ ونرصها فى طبق ونقطعها شرايح ونصب فوقها الصوص وهو ساخن ونرش رشة بقدونس للتجميل مع شرايح لمون او طماطم للزينه
ويقدم مع ارز ابيض وخضارسوتيه او بطاطس بوم فريت
الوصفه التانيه
الكبده بالمسترده

المقادير
1- نصف كيلو كبده شرائح
2- بصله مفرومه 3- ثوم مفروم
3- عصير ليمونه كامله
4- ملعقة خل
5-ملعقه كبيرة كاتشب +3 ملعقة كبيرة مسترده
6- بصله مقطعه شرائح وفلفله خضراء شرائح 7- بهارات وملح وفلفل
8-زيت وملعقة سمن للتحمير
الطريقه
1-تشطف الكبده جيدا وتقطع شرائح وتصفى ثم تتبل بكل الاضافات السابقه(( عدا شرائح البصل والفلفل)) وتترك فى التتبيله لمدة لا تقل عن ساعة
2- نحضر طاسة تيفال او استانليس ونضع الزيت وممكن ملعقة زبد او سمن ويسخن جيدا ثم نضيف الكبده وتشوح جيدا وناخذ الكبد من الطاسه
3- فى نفس الطاسه نضع البصل الشرائح والفلفل الشرائح وناخدهم تقلبيتين لحد ما يدبلوا
4-نضع الكبده فوق البصل والفلفل ونتركهم على النار10دقائق ثم تقدم ومعها سلاطة خضراء وبطاطس مهروسه او سلاطة طحينه بالحمص وعيش شامى بالهنا والشفا ولو عجبتكوا الاكلات دى مستنيه ردودكوا الحلوة عشان تشجعونى لان لسه عندى اكلات كتيييييييير حلوة

مممممممممممممممممممممممممممممم

مشكوره اختى

مشكور لك انت على مرورك الرائع