اكلات جميله

الوصفه الخامسه
كبااااب حله ولا اطعم ولالالالا ااسرع
المقادير وتكفى من 2-3 اشخاص
1- نصف كيلو لحم بتلو او كندوز صغير مسلوقه
2- بصله مبشورة
3- 10فصوص ثوم مهروسه
4- فلفل اخضر شرائح
5- بهارات لحم وكمون وملح وفلفل
6- زيت ذرة وملعقه صغيرة زبد او سمن
7- قطعة فحم
الطريقه
1- تسلق اللحم وتصفى وممكن تعينى الشوربه لاى استخدام فى وصفه اخرى او تناولها وخصوصا فى شهر رمضان
2- تحضرى حلة تيفال او استانلس وتضعى الزيت ولما يسخن تضيفى البصله المبشورة
3- لما تبدا البصله تدبل وتصفرتضيفى الثوم المهروس وتقلبى لحد ما يصفر
4- تضيفى البهارات ملعقة صغيرة ونصف ملعقة صغيرة كمون وملح وفلفل
5-نضع اللحمه ونقلب لحد ما لونها يبقى بنى ويتشرب التوابل كويس نضيف من ربع لنصف كوب ماء عشان اللحمه تتشرب البهارات والتوبل
6- لما تبدا تتشرب الماء او الشوربة نضيف الفلفل الاخضر الشرائح ونقلبه تقليبتين يتحمر مع اللحمه
7- نطفى النار ونكون محضرين الفحمه ومسخنينها ونضع فنجان صغير وسط الحله وفيه الفحم المشتعل ونطفى عليه بملعقة صغيرة زيت وزى ما اتفقنا نغلق الاناء بسرعه ونغطيه بفوطة مبلوله عشان الريحه متتسربش ونتركه على الاقل نصف ساعه ويفضل ساعة
ويقدم فى طبق التقديم المزين ويقدم معاه مكرونه اسباجيتى بالصلصه او مكرونه فرن بالطاجن وسلاطة البطاطس الفرنسيه وبالهنا والشفا
وانتظروا الوصفه الجديده

مشكوره اختى

رمضان كريم

رمضان كريم شكرا على مرورك

شكرا على مرورك