لذيذ وسهل

الوصفه الثالثه

كفتة الحااااااااااااااااتى

المقادير تكفى 2-3 اشخاص
1- نصف كيلو لحمة مفرومه
2- نصف كوب برغل ناعم
3- بصله كبيرة مبشورة او مفرومة
4- ملعقة كبيرة من تتبيلة كفتة الحاتى سبايسى او اى نوع مستحب
5- ملح وفلفل
6- قطعة زبد او سمن صغيرة
7- فحم قطعه او اثنان
الطريقه
1- ينقع البرغل لمدة 6 ساعات ولو مستعجله انقعيه فى ماء ساخن لمدة ساعة واحده ونصفيه بمصفاة ناعمة او قطعة شاش 2- نضع اللحم فى اناء زجاج او فخار او استانلس ونضيف البصله المبشورة والبرغل المنقوع المصفى وكل البهارات والتوابل المستخدمه نعجن جيدا وممكن خلطها فى الكبة ثم نضعها فى الاناء
3- نعمل حفرة وسط اللحم المتبل ونسخن الفحم ع النار لحد ما يسخن ونجيب قطعة فويل ونعملها زى طبق صغير ونضع الفحم المشتعل وفوقه قليل من السمن او الزيت وبسرعه نحكم غلق الاناء ونغطيه بفوطة مبلله حتى لا يتسرب رائحة الفحم من الاناء
4- نتركه يتبل ع الاقل ساعة ويفضل ترك التتبيله مده ساعتان او اكثر
5- اقتصاديا ممكن تبلى رغيف عيش فينو وتضيفيه للحم عشان تزود الكميه وممكن لا حسب العدد وكمية اللحم ورغبتك
6- نحضر صينية الشوى وندهنها بقليل من السمن ونبدا فى تصبييع الكفتة على ايد ملعقه خشبيه او ممكن قلم جاف فاضى تخين ونحاول نخللى الصباع طويل ورفيع بلاش نكببه عشان هو حيكبب لوحده ونرص اصابع الكفته فى الصينيه
7- توضع تحت شواية الفرن ومش بتاخد وقت وتقلبيها على كل وجه ومتسيبهاش تنشف لا نخرجها من الفرن وحواليها شوية صوص لسه
8- طبعا طبق كبير مليان بقدونس مفروم ونرص فوقه الكفته ومعاه شريحتين لمون وخيار وطماطم للزينه وطبعا تقدم مع سلاطة وعيش بلدى او طاجن ورق عنب وبالف هنا وشفا يارب
وطبعا وعشان خاطركوا الشىء لزووم الشىء وان شاء الله حاجمع لكوا وصفات السلاطة مع بعضها بس دى بقى هديه منى ليكوا دلوقت

سر سلطة الحاتى المميزة بصوا يا قمرات
مقادير السلطه خيار وطماطم وبصل وعصير ليمون وملعقة سكر صغيرة
وطريقتها تقطعى البصل شرائح وتضعى عصير الليمون وملعقة السكر وتكونى لبسه جوانتى او كيس عشان ريحة ايدك متبقاش بصل وتدعكى البصله كويس وتغطى الاناء وتسيبيه نصف ساعة وبعدين تحطى الطماطم المقطعه والخيار وممكن شوية بقدونس صغيرين مفرومين وتقلبيهم مع بعض وشوية ملح وكده خلاص زوجك حيفتكرك رحتى اشتريتى الحاجات دى كلها لحد ما تحلفى انك انت اللى عاملها ساعتها حتدعى لى الوصفه الجايه كوردون بلو بالصدور البانيه ولا اطعم ولا اسهل

حرام عليكى بجد جوعتينى

مرسى بجد على مرورك