هذه الرسالة هي مجرد تعبير ساخر – من وجهة نظر صاحبها - عن انتشار بعض الظواهر السلبية في مجتمعنا .. أو ممكن نقول عليها " فوازير رمضان " ولك أن تختار الإجابة المناسبة ، وكله في النهاية مجرد تسالي وشوية فضفضة ، لكن هذا لا يمنع أيضاً أنك ستكتشف أن هناك الكثيرين يموتون في اليوم ألف مرة .. وخد بالك قوي من آخر سطر في الموضوع !
فمثلاً ..
لو عاوز تموت شهيد :
يا تركب قطاراً
يا تركب عبّارة
ياتركب طيارة !
ولو عاوز تموت من الجوع :
يا تشترى شقة بالقسط
ياتشترى عربية بالقسط
يا تدخل عيالك مدرسة خاصة !
ولو عاوز تموت من الحسرة :
يا تتفرج على الفاترينات فى سيتى ستارز
ياتروح زيارة لمارينا !
ولو عاوز تموت من الغيظ :
يا تتفرج على القنوات المحلية
يا تتفرج علي النشره الجوية !
ولو عاوز تموت من الزهق :
يا تستنى الإشارة لما تفتح
يا تستنى دورك فى التأمين الصحى
ياتستنى دورك فى الفرن !
ولو عاوز تموت من الهبل :
يا تسمع تصريحات المسئولين بعد كل كارثة
يا تتفرج على برامج المسابقات !
ولو عاوز تموت من الخضة :
يا تركب ميكروباص
يا تعدى الشارع على رجليك !
ولو عاوز تموت مفروووس :
يا تقف تستنى تاكسى
يا تركب الترام !
ولو عاوز تموت مرعوووووب
يا تستنى نتيجة الثانوية العامة
يا تستنى نتيجه التحاليل عند الدكتور !
ولو عاوز تموت مشهور :
يا تتجوز رقاصة
يا تنصب على بنك !
ولو عاوز تموت مليونير :
يا تعمل فيديو كليب
يا تلعب كورة !
ولو عاوز تموت من الحزن :
ياتحط الحكومة في بالك
يا تشجع الزمالك !
ولو عاوز تموت من الضحك :
يا تسمع تصريحات وزارتا الصحة و التعليم
يا تروح تتطعم من أنفلوانزا الخنازير
ولو عاوز تموت في حالك :
أعمل نفسك دايما....مش واخد بالك
رقم العضويه
تاريخ التسجيل:
عدد المساهمات
نقاط
العمر
موضوع: فوازير رمضان .. تحب تموت إزاي ؟! 
السبت 14 أغسطس 2010, 9:57 pm
الدردشة|منتديات باقة ورد